2012 in review


The WordPress.com stats helper monkeys prepared a 2012 annual report for this blog.

Here’s an excerpt:

600 people reached the top of Mt. Everest in 2012. This blog got about 2,200 views in 2012. If every person who reached the top of Mt. Everest viewed this blog, it would have taken 4 years to get that many views.

Click here to see the complete report.

This entry was posted on January 7, 2013, in Uncategorized. Leave a comment

உலகமயமாகும் திருச்சபை..!


அன்பான நண்பர்களே,

நேற்று ஞாயிற்றுக்கிழமை சென்னையை அடுத்த ஒரு ஊரில் இந்திய சுவிசேஷ திருச்சபையின் ஆலய பிரதிஷ்டை நடைபெற்றது. இந்த ஆல்யமானது மறுநிர்மாணம் செய்யப்பட்டதாகும். அதாவது ஏற்கனவே இருந்த ஆலயத்தை மேம்படுத்தி கட்டியிருக்கிறார்கள்.இதற்காக சபையார் தங்களுடைய ஒரு மாத சம்பளத்தைக் கூட தியாகமாகக் கொடுத்திருக்கிறார்கள். கிறிஸ்தவம் என்றாலே வெளிநாட்டு பணத்தில் நடைபெறுவது எனும் எண்ணம் இன்னும் நமது சமுதாயத்தில் இருக்க இதன் பின்னணியில் உள்ள வேதனைகளும் தவிப்புகளும் யாருக்கும் தெரிய நியாயமில்லை. கிராமத்திலோ நகரத்திலோ ஒரு  ஆலயம் கட்டப்படுவதற்கு அதன் தலைமை பீடமான பேராயமோ குருசேகரமோ பெரிய உதவிகள் எதுவும் செய்கிறதில்லை.ஆலயத்தின் உறுப்பினர்களான குடும்பங்களே அதை முன்னின்று செய்கிறார்கள். போதாக்குறைக்கு பேராயரை வரவேற்று பெருமைப்படுத்தும் செலவுகளையும் அவர்களே ஏற்றுக்கொள்ளவேண்டியதிருக்கிறது.

இந்நிலையில் இத்தனை தியாகத்துடனும் கடவுள் மீதான அன்புடனும் எல்லாவித இறையச்சத்துடனும் நடைபெறும் இக்காரியத்தில் ஆடம்பரங்களும் ஆர்ப்பாட்டங்களும் பொதுமக்களை முகம் சுளிக்கவைக்குமோ என்பது நம்முடைய எண்ணமாகும். ஒரு காரியத்தை குறைசொல்லுவதல்ல நம்முடைய நோக்கம் அந்த காரியம் இறைவனுடைய பார்வையில் ஏற்புடையதாக இருக்கிறதா என்பதே நம்முடைய கேள்வி.

பவுலடிகள் சொல்லுகிறார்,

    ரோமர் 12:2 நீங்கள் இந்தப் பிரபஞ்சத்திற்கு ஒத்த வேஷந்தரியாமல், தேவனுடைய நன்மையும் பிரியமும் பரிபூரணமுமான சித்தம் இன்னதென்று பகுத்தறியத்தக்கதாக, உங்கள் மனம் புதிதாகிறதினாலே மறுரூபமாகுங்கள்.

-என்பதாக.  எனவே கிறிஸ்துவுக்காக நிற்பதாகச் சொல்லிக்கொள்ளும் நாம் ஆர்ப்பாட்டங்களையும் கொண்டாட்டங்களையும் பதாகைகளையும் தவிர்த்துவிட்டு தியாகத்தையும் உண்மையையும் மையமாகக் கொண்டு இயங்கவேண்டும். ஏனெனில் நம்மை பார்க்கும் மக்கள் நம்மில் இயேசுவைப் பார்க்கவேண்டும் என்பதே நம்முடைய இரட்சகர் நமக்காக நியமித்துள்ள இலக்காகும். ஒருவேளை உலக மக்களுக்கு பட்டாசுகளும் ஒரு மனுஷனைப் போற்றித் துதிக்கும் பேனர்களும் வரவேற்புகளும் ரதங்களும் ஏற்புடையதாக இருக்கலாம். ஆனால் அது நமக்கு தகுதியல்லவே,இதை எப்படி பேராயமும் குருசேகரமும் அனுமதிக்கிறது என்று புரியவில்லை.

பல இலட்சம் செலவில் அமைக்கப்படும் முகப்பு கோபுரத்துக்கும் மணிகூண்டுக்கும் செய்யப்படும் செலவில் இன்னொரு ஆலயத்தையே கட்டிவிடலாம்.அல்லது நாலைந்து ஏழை பிள்ளைகளுக்கு திருமணம் செய்யலாம்.அல்லது ஏழெட்டு ஏழை மாணவர்களைப் படிக்க வைக்கலாம். திருச்சபையானது இனியும் இதுபோன்ற காரியங்களில் இறைவனை முன்னிட்டு படைக்கப்படும் புனிதமான காணிக்கைகளை செலவிடாமல் எச்சரிக்கையுடனிருக்கக் கேட்டுக்கொள்ளப்படுகிறார்கள்.

இறுதியாக ஒரு சிந்தனை, சுமார் 20 வருடத்துக்கு மேலாக குறிப்பிட்ட சபை ஒரு பகுதியில் இருக்கிறது.குருவானவர்,கமிட்டியார் மற்றும் விசுவாசிகள் உட்பட பலர் வருகிறார்கள்,பலர் போகிறார்கள்.ஆனாலும் அந்த சபையானது சமுதாயத்தில் எந்தவித பாதிப்பையும் ஏற்படுத்தவில்லை. ஏனெனில் அந்த சபையில் பங்கேற்கும் குடும்பங்களின் சராசரி எண்ணிக்கை மாறவேயில்லை. இப்படியிருக்க எப்படி எதை முன்னிட்டு இத்தனை ஆர்ப்பாட்டம் செய்து விழா எடுக்க மனம் வருகிறது என்று புரியவில்லை. இயேசுவுக்காக இதையெல்லாம் செய்கிறோம் என்போமானால் நடைபெற்ற நிகழ்ச்சியில் எந்த இடத்தில் இயேசு மகிமைப்பட்டார் என்று நாம் யோசிக்கவேண்டும்.

இங்கே சொல்லப்பட்டிருப்பவையெல்லாம் ஒரு சாம்பிளுக்கு தான். திருச்ச்பையின் தற்கால நிலைமைக்கு இவையெல்லாம் ஒரு உதாரணம் மட்டுமே.  கிறிஸ்துவின் வருகைக்காக ஆயத்தமாவதாக சொல்லிக்கொள்ளும் நாம் இனியும் இதுபோன்ற காரியங்களில் நமது பெலனையும் நற்பொருளையும் செலவழிக்காமல் வேத வசனத்துக்கு அஞ்சி நடந்து திருச்சபை முன்னோடிகளின் மரபுகளை மீட்டெடுக்கவும் அதன்படி நடக்கவும் வேண்டும்.

This slideshow requires JavaScript.

சாலமோன் ராஜாவைவிட பிரம்மாண்டமான ஆலயத்தை சர்வ வல்ல தேவனுக்காகக் கட்ட ஒருவராலும் கூடாது. தேவனுடைய மகிமை இறங்கி தங்கியிருந்த அதுபோன்றதொரு ஆலயமும் வேறு இருந்ததில்லை.அந்த மேன்மைமிகு ஆலயமே தீக்கிரையாக்கப்பட்டு மண்மேடானதே. எனவே வேதமும் சொல்லுகிறது,

அப்போஸ்தலர் 7:48 ஆகிலும் உன்னதமானவர் கைகளினால் செய்யப்பட்ட ஆலயங்களில் வாசமாயிரார்.

அப்போஸ்தலர் 17:24 உலகத்தையும் அதிலுள்ள யாவற்றையும் உண்டாக்கின தேவனானவர் வானத்திற்கும் பூமிக்கும் ஆண்டவராயிருக்கிறபடியால் கைகளினால் கட்டப்பட்ட கோவில்களில் அவர் வாசம்பண்ணுகிறதில்லை.

யோவான் 8:32 சத்தியத்தையும் அறிவீர்கள், சத்தியம் உங்களை விடுதலையாக்கும் என்றார்.

மாட்டிறைச்சியும் முதலமைச்சரும்


என்றோ- எப்போதோ நடந்தது என்று நினைத்து ஒரு செய்தியை நேற்றிரவு பார்த்துக்கொண்டிருந்தேன். பிறகே தெரிந்தது அது மிக அண்மையில் நிகழ்ந்திருக்கிறது. அந்த அளவுக்கு நாம் இந்த உலகுக்கு அந்நியமாகிவிட்டோமே என்று ஆச்சரியமாக இருந்தது. விஷயத்தை கவனிப்போம்…
”தமிழக முதலை(?)மைச்சர் மாட்டிறைச்சி உண்பவர்..” என்று ஒரு பத்திரிகை செய்தி வெளியிட உடனே உணர்ச்சிவசப்பட்ட அவரது கட்சிக்காரர்கள் பத்திரிகை அலுவலகத்தை அடித்து நொறுக்குகிறார்கள். பத்திரிகையாளரும் கருத்து சுதந்தரம் பறிபோய்விட்டதாகவும் ஜனநாயகத்தின் நாடி நரம்பெல்லாம் நெறிக்கப்படுவதாகவும் நடுங்கிப்போனவராக பேட்டி கொடுக்கிறார்.

நாம் யோசித்தது என்னவென்றால் எது பத்திரிகை சுதந்தரம் ? எது ஜனநாயகம் ? ஒரு மாநிலத்தின் முதலமைச்சர் என்ன கறி உண்கிறார் என்று செய்தி போடுவதா ? அதனால் நாட்டுக்கு என்ன நன்மை ? இதனால் மாட்டிறைச்சி உண்பரையும் கேவலப்படுத்தியிருக்கிறாரே பத்திரிகையாளர், குழப்பத்துக்கு யார் காரணம் ? உடனே தாத்தா அறிக்கை விடுகிறார்,அவர் ரொம்ப யோக்கியர் போல…இது கோர்ட் மூலம் தீர்க்கக்கூடிய பிரச்சினை,வன்முறை கூடாது என்பதாக.

நம் நாடு எங்கே போகிறது ?

http://www.youtube.com/watch?v=SzZNxXM6uuk&feature=related

போலிகள் ஜாக்கிரதை..!


நம்மை ஒழித்துக் கட்டும் கீழ்த்தரமான எண்ணத்துடன் ஃபேஸ்புக் தளத்தில் நமக்கு போலி ஐடியை உருவாக்கி குழப்பிய அதே எதிரிகள் நம்முடைய ”யௌவன ஜனம்” கலந்துரையாடல் தளத்துக்கும் ஒரு போலி முகவரியை உருவாக்கியிருக்கின்றனர். ஆனாலும் ஆவியானவருடைய தெளிவான நடத்துதலின்படி நம்முடைய தளத்தின் முகவரியை இன்று காலையில் தான் மாற்றியிருக்கிறேன். வாசக நண்பர்கள் தொடர்ந்து ஆதரவு தருமாறு பணிவோடு வேண்டுகிறேன்.

நம்முடைய தளத்தின் சரியான “புதிய” முகவரி:

http://yauwanajanam.activeboard.com/

https://www.facebook.com/profile.php?id=100003219394080

போலியான முகவரிகள்:

https://www.facebook.com/profile.php?id=100002540653309

http://chillsam.activeboard.com/

பாடகி சித்ராவின் மகள் துபை விபத்தில் மரணம்


பாடகி சித்ராவின் மகள் துபை விபத்தில் மரணம்
துபை, ஏப்,14: பிரபல தென்னிந்திய பின்னணிப் பாடகி கே.எஸ்.சித்ராவின் 8 வயது மகள் நந்தனா துபையில் இன்று உயிரிழந்தார்.சித்ரா மற்றும் அவரது கணவர் விஜயசங்கருக்கு நந்தனா ஒரே மகள் என்பது குறிப்பிடத்தக்கது.துபையில் எமிரேட்ஸ் ஹில்ஸில் அவர்கள் தங்கி இருந்தபோது நீச்சல் குளத்தினுள் நந்தனா தவறி விழுந்தார். பின்னர் மருத்துவமனைக்கு கொண்டுசெல்லப்பட்ட அவர் ஏற்கனவே உயிரிழந்துவிட்டதாக டாக்டர்கள் தெரிவித்தனர்.இசையமைப்பாளர் ஏ.ஆர்.ரஹ்மானின் இசை நிகழ்ச்சியில் பங்கேற்பதற்காக சித்ரா தனது குடும்பத்தினருடன் துபை சென்றிருந்தார். ஷார்ஜா கிரிக்கெட் மைதானத்தில் இன்று அந்த நிகழ்ச்சி நடைபெறுகிறது.அந்த நிகழ்ச்சியின் ஒத்திகைக்கு செல்வதற்காக இன்று காலை சித்ராவும், அவரது குடும்பத்தினரும் தயாராகிக் கொண்டிருந்தனர்.இந்த நிலையில் தாங்கள் தங்கியிருந்த வீட்டின் முன்கதவு திறந்திருப்பதும், மகள் நந்தனா வீட்டில் இல்லாததும் அவர்களுக்கு தெரியவந்தது.பின்னர் வெளியே தேடிப்பார்த்தபோது, நீச்சல் குளத்தில் நந்தனா மிதந்தபடி இருந்தது கண்டுபிடிக்கப்பட்டது. நீச்சல் குளத்தில் இருந்து நந்தனாவை வெளியே கொண்டு வந்து ஜேபெல் மருத்துவமனைக்கு கொண்டு சென்றனர். எனினும் நந்தனா ஏற்கனவே இறந்துவிட்டதாக டாக்டர்கள் தெரிவித்தனர்.சம்பவம் நடந்தபோது சித்ராவும் வீட்டில்தான் இருந்துள்ளார். எனினும் அனைவரும் வேலைகளில் மும்முரமாக இருந்தபோது நந்தனா யாருடைய உதவியும் இல்லாமல் வெளியே சென்றதாகத் தெரிகிறது.குழந்தைகளுக்கு பெரிதும் பரிச்சயமில்லாத அந்த இடத்தில் உள்ள நீச்சல் குளத்தில் நந்தனா தவறி விழுந்திருக்கலாம் என்றும் தெரிகிறது.நந்தனாவின் உடல் தடயவியல் சோதனைக்கு அனுப்பப்பட்ட பின்னர் கேரளாவுக்கு அனுப்பி வைக்கப்படும்.நந்தனாவின் மரணம் தொடர்பாக துபை போலீஸ் அதிகாரிகள் விசாரணை நடத்தி வருகின்றனர்.
மேற்கண்ட செய்தி தினமணி நாளிதழில் வெளியாகியுள்ளது; நவநாகரீக உலகில் குழந்தைகள் விஷயத்தில் பெரியவர்கள் எவ்வளவு அக்கறையில்லாமல் இருக்கிறோம் என்பதற்கு இந்த நிகழ்ச்சி ஒரு உதாரணமாகும்;இதோ ஏதோ விதியினால் நிகழ்ந்த ஒரு சம்பவம் அல்ல;ஒரு பொது இடத்தில்கூட‌ ஒரு உயிருக்கு ஒரு குழந்தைக்கு பாதுகாப்பு இல்லை;அந்த அளவுக்கு கண்காணிப்பு பெலவீனமாக இருக்கிறது என்பது தெரியவருகிறது; இதுபோன்ற செய்திகள் சம்பந்தப்பட்டவர்கள் பிரபலமானவர்களாக இருப்பதால் நம்முடைய கவனத்துக்கு வந்தது; ஆனாலும் இதுபோன்ற நிகழ்வுகள் அன்றாடம் ஆங்காங்கே நிகழ்ந்துகொண்டுதானிருக்கிறது;சில குழந்தைகள் பாலியல் ரீதியாக துன்புறுத்தப்படுகின்றனர்;சில குழந்தைகள் மனோரீதியாக துன்புறுத்தப்படுகின்றனர்;சில குழந்தைகள் பெரியவர்களின் அஜாக்கிரதையால் இதுபோன்ற விபத்துகளில் சிக்கிக்கொள்ளுகின்றனர்.இந்த உலகில் மனிதன் நோக்கமில்லாதவனாகவும் மாயையைத் தொடருபவனாகவும் ஓடிக்கொண்டிருப்பதால் தேவையானதை விட்டுவிட்டு தேவையில்லாதவற்றுக்கு அதிக முக்கியத்துவம் கொடுப்பதால் அதிமுக்கியமானவை நம்மை விட்டு கடந்துபோகிறது; அதில் மிகமிக விசேஷமானது ஒரு மனித உயிர்;உதாரணமாக பாடகி சித்ரா ஒருவேளை அந்த கொடிய நிமிடங்களில் தன் மகளுடன் இருந்திருந்தால் அந்த பிஞ்சு குழந்தையின் உயிர் காப்பாற்றப்பட்டிருக்கும்;ஒரு தாயைவிட ஒரு குழந்தைக்கு யாரால் பாதுகாப்பு கொடுக்கமுடியும்? ஆனால் பரபரப்பான இந்த உலகில் பணம் என்ற காகிதத்துக்காகவும் புகழ் என்ற மாயைக்காகவும் விலைமதிப்பில்லாத உயிர்களின் மீது கரிசனை இல்லாதுவிட்டது பெருந்துக்கமாகும்.

உயிர்களின் படைப்பாளியான ஆண்டவர் சொல்லுகிறார்,

  • “மனுஷன் உலகம் முழுவதையும் ஆதாயப்படுத்திக்கொண்டாலும், தன் ஜீவனை நஷ்டப்படுத்தினால் அவனுக்கு லாபம் என்ன? மனுஷன் தன் ஜீவனுக்கு ஈடாக என்னத்தைக் கொடுப்பான்?” (மத்தேயு.16:26)
பாடகி சித்ராவின் புகழ் அவருடைய குழந்தைக்கு உயிர் தருமா? அல்லது அவர் நஷ்டப்படுத்திய அவரது குழந்தையின் உயிர் தியாகமாக எண்ணப்படுமா?
உலகத்தீரே சிந்தை கொள்வீர்… பணம், பேர், புகழ் ஒருபோதும் நிலைத்திராது; கடவுளுடைய அன்பு உங்கள் உள்ளத்தில் நிறையுமானால் அவர் எல்லா தீங்குக்கும் உங்களை விலக்கி காப்பார்.
  • “கர்த்தர் உன்னை எல்லாத் தீங்குக்கும் விலக்கிக் காப்பார்; அவர் உன் ஆத்துமாவைக் காப்பார்.” (சங்கீதம்.121:7)

குழந்தை நந்தனாவின் ஆன்மாவானது எந்த சேதாரமுமின்றி இறைவனடி சேர்ந்தது என்பதில் ஐயமில்லை;ஆனால் அந்த குழந்தை இந்த உலகில் குறிப்பிட்ட காலம் வாழுவதற்கான வாய்ப்பு மறுக்கப்பட்டதற்கான காரணம் மனித தவறே,விதியல்ல;ஆனாலும் மனிதன் இறைவன் மீதே குற்றஞ்சாட்டுவான்.

  • “மனுஷனுடைய மதியீனம் அவன் வழியைத் தாறுமாறாக்கும்; என்றாலும் அவன் மனம் கர்த்தருக்கு விரோதமாய்த் தாங்கலடையும்.”(நீதிமொழிகள்.19:3)

மனிதனுக்காக மரணிக்கும் மிருகங்கள்..!


இது மாலை மலர் இதழில் வெளியான செய்தியாகும்.

மாற்று ஆபரேசன் மூலம் மிருக உறுப்புகளை மனித உடலில் பொருத்த திட்டம்; சீன விஞ்ஞானிகள் ஆய்வு

பெய்ஜிங், மார்ச். 26- பாதிக்கப்பட்ட உடல் உறுப்புகள் மற்றொரு நபரிடம் இருந்து தானமாக பெற்று மாற்று அறுவை சிகிச்சை மூலம் பொருத்தப்பட்டு வருகிறது. தற்போது, மரபணு மாற்றம் செய்யப்பட்ட மிருகங்களின் உடல் உறுப்புகளை பொருத்த சீன விஞ்ஞானிகள் திட்டமிட்டுள்ளனர்.சீனாவில் உள்ள நாஜ்ஜிங் மருத்துவ பல்கலைக்கழகத்தை சேர்ந்த விஞ்ஞானிகள் அதற் கான ஆய்வை மேற்கொண் டுள்ளனர்.முதலில் மரபணு மாற்றம் செய்யப்பட்ட பன்றிகளின் உடல் உறுப்புகள் மனித உடலில் பொருத்தப்பட உள்ளன.

அது இன்னும் 2 அல்லது 3 ஆண்டுகளில் நடைமுறைக்கு வரும் என எதிர்பார்க்கப்படுகிறது. இதற்காக தொடக்கத்தில் மரபணு மாற்றம் செய்யப் பட்ட பன்றிகள் பயன்படுத்தப்பட உள்ளன. பின்னர் மற்ற விலங்குகளின் உடல் உறுப்புகளையும் பொருத்த நடவடிக்கை மேற்கொள்ளப்படும் என்றும் தெரிவித்துள்ளனர்.

http://www.maalaimalar.com/2011/03/26123621/transfer-operation-used-for-an.html

இந்த செய்தியைச் சொன்னதுமே எனது மனைவி சொன்னது, பிசாசை ஆண்டவர் பன்றிக்குள் அனுப்பினார், மனுஷன் அந்த பன்றியை மனுஷனுக்குள் வைக்கப்போறானா ‘ என்று அங்கலாய்த்துக் கொண்டார்..!

ஏற்கனவே பன்றியின் கொழுப்பிலிருந்து இனிப்புகள் மீது போடப்படும் சில்வர் ஃபாயில் தயாரிக்கப்படுவதாகவும் சர்க்கரை வியாதியினால் பாதிக்கப்பட்டவருக்கான இன்ஸுலின் கூட பன்றியின் கணையத்திலிருந்தே தயாரிக்கப்படுவதாகவும் சொல்லப்படும் நிலையில் தற்போது அதன் உடல் உறுப்புகளும் மனிதனுக்குப் பொருத்தப்படும் என்ற செய்தியினால் பரபரப்பு ஏற்பட்டுள்ளது; அப்படியானால் பன்றிக்கும் மனிதனுக்கும் ஏதோ தொடர்பு இருக்கும் போலிருக்கிறது;  இந்து மக்கள் இதன்காரணமாகவே ஒரு மிருகத்தையும் விடாமல் அனைத்தின் ஆதரவையும் நாடி அவற்றை தெய்வமாக வழிபடுகிறார்கள் போலும். இனி, உன் தெய்வங்கள் மனிதனுக்காக என்ன செய்தது என்று யாரும் கேட்கமுடியாத நிலை இதனால் ஏற்பட்டுள்ளது; அவை தன்னைத் தானே பலியாக்கி மனித ஜீவன்களைக் காப்பாற்றப்போகிறது; மேலும் குரங்கிலிருந்து மனிதன் தோன்றினான் என்ற கூற்றும் இதனால் பொய்யாகப் போகிறது; ஏனெனில் குரங்கிலிருந்து மனிதன் தோன்றியிருந்தால் குரங்குகளின் உடல் உறுப்புகளையல்லவா ஆராய்ச்சிக்கு பயன்படுத்தியிருப்பார்கள்? 

மனிதன் நீடித்த நாட்கள் வாழ என்னென்ன ஆராய்ச்சிகளையோ செய்கிறான்; ஆனால் நித்திய நித்தியமாக வாழ அவனுடைய ஜென்ம பாவங்களுக்காக ஒருவன் பிராயசித்தம் செய்யாவிட்டால் அவனுடைய சரீரத்திலுள்ள வியாதிகள் குணமடையா.ஆன்மாவில் நம்பிக்கை பெருகினால் மாத்திரமே வியாதி குணமாகும்;அது மாத்திரமல்ல, இந்த ஜீவனுக்குப் பிறகு வரும் ஜீவனுக்கு உறுதியளிக்கும் ஒரு நண்பரை தன் சொந்த இரட்சகராக ஒருவன் ஏற்றுக்கொள்ளவேண்டும்.

  • “தன் பாவங்களை மறைக்கிறவன் வாழ்வடையமாட்டான்;  அவைகளை அறிக்கை செய்து விட்டுவிடுகிறவனோ இரக்கம் பெறுவான்.” (நீதிமொழிகள். 28:13)
  • “பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசு கிறிஸ்துவினால் உண்டான நித்தியஜீவன்.” (ரோமர்.6:23)
  • “…இயேசு கிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்.” (1.யோவான்.1:7)
  • “நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார். நாம் பாவஞ்செய்யவில்லையென்போமானால்,நாம் அவரைப் பொய்யராக்குகிறவர்களாயிருப்போம், அவருடைய வார்த்தை நமக்குள் இராது.” (1.யோவான்.1:9,10)
  • “சரீரமுயற்சி அற்ப பிரயோஜனமுள்ளது; தேவபக்தியானது இந்த ஜீவனுக்கும் இதற்குப் பின்வரும் ஜீவனுக்கும் வாக்குத்தத்தமுள்ளதாகையால் எல்லாவற்றிலும் பிரயோஜனமுள்ளது.” (1.தீமோத்தேயு.4:8)

கொத்துக் குண்டுகள்..!


நான் நெடுஞ்சாலையின் ஓரத்தில் குடும்பத்துடன் வசிக்கிறேன்;எனக்கும் அரசாங்கத்துக்கும் ஏதோ கருத்துவேறுபாடு, பகை; எனவே நான் வசிக்கும் வீட்டின் மீது குண்டு போட்டு அழித்துவிடப் போவதாக எனக்கு தெரியவருகிறது; எனது வீடு என்பது சாதாரண ஓலை குடிசைதான்; மாற்று ஏற்பாடுகளை உடனே செய்யமுடியாத நிலையில் எனது பிள்ளைகளுடன் நடந்துசெல்லும் தூரத்தில் உள்ள மற்றொரு குடிசையை நோக்கி நடக்கிறோம்.

நாங்கள் அந்த குறிப்பிட்ட குடிசையை விட்டு வெளியேற சற்று முன்பதாக பூமி அதிருகிறது;அது மின்தூக்கி (lift)யில் செல்லும்போது ஏற்படும் அதிர்வைப் போல இருக்கிறது; எனவே எந்த பொருளையும் எடுக்கமுடியாத நிலையில் அவசரமாக வீட்டைவிட்டு வெளியேறுகிறோம்; ஆனாலும் நான் மட்டும் வீட்டை திரும்பித் திரும்பிப் பார்த்துக்கொண்டே செல்கிறேன்;எனது கணிணி மற்றும் அனைத்து வீட்டு உபயோகப் பொருட்களையும் வீட்டிலேயே விட்டு விட்டு அவசரமாக வெளியேறுவதால் ஏதாவதொரு விலைமதிப்புள்ள பொருளையாவது எடுக்கலாமே என்று யோசிக்கும்போதே வானத்தில் போர் விமானம் ஒன்று வட்டமிடுவதைக் காண்கிறேன்.

images?q=tbn:ANd9GcR4O-DfPh0J49QMOrgZklN-Ek-pcjQ0UVChK3ynEeRgeA2dz2doggimages?q=tbn:ANd9GcRagM3Savv1jM6xSqueAKMsIPV5y14gVLU4kL_YYN7WYw5CMeca

அப்போதும் கூட என் மனதில் என்ன தோன்றுகிறதென்றால் என்னை அரசாங்கம் மிரட்டவே செய்யும், என் வீட்டின் மீது குண்டு போடாது என்றே எண்ணிக்கொண்டிருந்தேன்;ஆனால் பயங்கரம் என்னவென்றால் வானத்தில் வட்டமிட்ட போர் விமானம் குண்டு போடத்துவங்கிவிட்டது ;அந்நேரத்தில் கூட நான் யோசிக்கிறேன்,அந்த குண்டுகள் தரையைத் தொடுவதற்கு முன்பு தீப்பிடித்த வீட்டுக்குள் சென்று எடுத்துவருவதைப் போல “ரிஸ்க்” (risk) எடுத்து ஏதாகிலும் ஒரு பொருளை, முக்கியமாக எனது கணிணியை மட்டுமாவது எடுத்து வந்துவிடலாமா, என்று.

images?q=tbn:ANd9GcRj70WeMwPJaTo0LyJvpK3xzSZ4TIZgzmddnQk9JaWOmajFXcbMimages?q=tbn:ANd9GcQ_dfR2mOKPrYAckIX_gx7r45ZVXdKpx59e56rhaHBVWDmy0-hX

ஆனால் நான் வானத்தை அண்ணாந்து பார்த்துக்கொண்டிருந்தபோதே பயங்கரமான அந்த காட்சியைப் பார்த்து விக்கித்து நின்று விட்டேன்; வானத்தில் என் கண்ணுக்கு எட்டிய சுற்றளவில் ஆயிரக்கணக்கான குண்டுகள் எரிகற்களைப் போல பரவிக் கிடக்கிறது,அவை உடனே விழவில்லை,ஆனால் மெதுவாக இறங்கிக்கொண்டே இருக்கிறது,சிலது மத்தாப்பு போல பிரகாசமாக வந்தும் அந்தரத்திலேயே அணைந்தும் போகிறது; நானும் என் குடும்பமும் எங்களை நோக்கி வந்துகொண்டிருக்கும் இந்த எரிகின்ற குண்டுகளுக்குத் தப்பி எங்கும் ஓடமுடியாது எங்கே ஒடினாலும் அதில் ஏதோ ஒன்று எங்களை அழித்துபோடும். பதுங்குகுழிகளைப் பற்றிய தகவலோ எண்ணமோ இருக்கவில்லை; எங்களைச் சுற்றிலும் எந்த மனித சஞ்சாரமுமில்லை;என் மனைவியும் மகளும் மகளும் சாலையோரமாக ஏதோ ஒரு மறைவிடத்தை நோக்கி ஓட நான் என்னுடன் இருக்கும் எனது தங்கை மகனைக் கட்டிக்கொண்டு நிமிர்ந்து பார்க்கவும் தைரியமில்லாமல் “ஆண்டவரே” எனக் கதறிக்கொண்டே சாலையின் மத்தியில் நிற்கிறேன்.

வழக்கமாக இதுபோன்ற கனவுகளின் உச்சக்கட்டத்தில் தோன்றுவது போல நாம் தான் வீட்டுக்குள் பத்திரமாக இருக்கிறோமே, இது நிச்சயமாக கனவாகத் தான் இருக்கவேண்டும் என்றும் அதைத் தொடர்ந்து கனவுதான் என்ற நிச்சயத்துடடனும் தூக்கத்திலிருந்து விழித்து எழுந்தேன்.

images?q=tbn:ANd9GcRmNIdlLXiHf_j2VQ0uVUZdzsq6ytt0INSy5KupLz9Uia2ie59H

இந்த கனவுக்கு மற்ற போதகர்களைப் போல ஏதேதோ மிகைப்படுத்தப்பட்ட விளக்கங்களைக் கொடுக்க எனக்குத் தெரியாது; இந்த பதட்டமான கனவின் பொருள் எதுவாக இருந்தாலும் எனது மனத் திரையில் உடனே தோன்றியது, இலங்கைத் தமிழர்களின் அவலநிலை தான்; சொந்த அரசாங்கத்தின் பகையாளிகளாக- தங்களைப் பாதுகாக்க வேண்டிய நிர்வாகத்தின் நாசகாரக் கரங்களாலேயே அழிக்கப்பட்ட கொடுமை வானத்தின் கீழே எந்த சமுதாயத்துக்காவது நிகழ்ந்திருக்குமா?

images?q=tbn:ANd9GcTGN9GwsITnqfB_57iORqWinvb6q3d9BvYJyhQMOk4nIXc2vUwRimages?q=tbn:ANd9GcSFYo7jgowE1YJwbDUUNw0LJGrVWlhXXxVIGZ930tJB5Zq3uokPHQ

அகதிகளுக்கே தேசக் குடிகளைவிட அதிகமான கரிசனையெடுத்து உணவு உடை மற்றும் இருப்பிடத்தையும் பாதுகாப்பையும் தரவேண்டியது ஒரு அரசாங்கத்தின் மாண்புக்கு அடையாளமாகும்;ஆனால் இலங்கை அரசாங்கம் எம் தமிழ் மக்களை கொத்தடிமைகளைவிட கேவலமாக நடத்தி வருவதும் அதனை ஊடகங்களில் எடுத்துச் செல்லும் தன்னார்வத் தொண்டர்கள் மீது தாக்குதல் நடத்துவதும் அச்சுறுத்துவதும் தொடர்கதையாகிக் கொண்டிருக்கிறது; சொந்த தேசத்திலேயே அகதிகளாக்கப்படும் கொடுமை இந்த நவநாகரீக உலகிலும் தொடரத்தான் வேண்டுமா?

images?q=tbn:ANd9GcTNmuOEM4LNRYPeobkRWM2JRo_KzPQqu4FOW_2g4S-9ONP9P8vL7gimages?q=tbn:ANd9GcSu3hTlHU4me9ivg6ICd4KG-CQWtBT3rZ7-CzMxdo6JfaCyTmlN

எரிகுண்டுகள் என்றும் கொத்துக்குண்டுகள் பற்றி இங்கே நம் தமிழ் ஆர்வலர்கள் மேடை போட்டு பேசும்போது அதன் தீவிரத்தை நாம் அறிந்தோமில்லை;ஆனால் அந்த பயங்கரத்தின் காட்சி என் மனதில் எப்படி தோன்றியது, ஏன் தோன்றியது என்றே புரியவில்லை;அதுபோன்ற யுத்த பூமியில் வாழ்ந்த அனுபவமும் எனக்கில்லை;சொப்பனமே இத்தனை கொடூரமாக இருக்கும் என்றால் நிதரிசனம் எப்படி இருந்திருக்கும்..? இதுபோன்ற கனவெல்லாம் இராஜபக்ஷே போன்ற மனித மிருகங்களுக்கும் நம்ம ஊர் அரிசியில்வியாதிகளுக்கும் வராதா..?

இலங்கைத் தமிழருக்காகப் பரிதபிப்போம்..!

இன்னும் கொடுமையான படங்களைக் காண மனோதைரியம் இருந்தால் தொடுப்பைத் தொடரவும்.

{இன்று காலையில் கலக்கத்துடன் எழுந்தேன்;காரணம், நீண்ட நாட்களுக்குப் பிறகு மறக்கமுடியாத ஒரு கனவும் அது தொடர்பான சிந்தனையும்…}